BYD Çin satışlarını artırmaq üçün daha sürətli enerji yığan Blade Batareyasını təqdim etdi
Çinin elektrik avtomobili istehsalçısı BYD son altı ildə ilk böyük batareya yeniliyini təqdim edib. Şirkət daxili bazarda güclü rəqabət və son dövrlərdə satışların azalmasından sonra yenidən bazarda güclü mövqe qazanmağı hədəfləyir.
Şirkətin sədri Van Çuanfunun Şençjendə verdiyi məlumata görə, ikinci nəsil Blade batareyası mənfi 20°C temperaturda belə 20%-dən 97%-ə 12 dəqiqədən az müddətdə enerji yığa bilir. Yeni batareya ilə avtomobillərin 777 km-ə qədər yürüş məsafəsi əldə etməsi mümkün olacaq.
